مولانا جلال الدین رومیؒ کے اقوال

آپ عظیم صوفی شاعر تھے، ان کی مثنوی شہرۂ آفاق ہے۔

٭ شہوت کا سانپ ابتدا ہی میں مار ڈالو ورنہ یہ کبھی اژدہا بن جائے گا۔

٭ اگر کامیابی حاصل کرنا چاہتے ہو تو مسلسل محنت کرتے رہو۔

٭ فتنہ انگیز سچائی سے مصلحت آمیز جھوٹ بہتر ہے۔

٭ جب کوئی غم دیکھو تو استغفار کرو کیونکہ غم تو خدا کی طرف سے آتا ہے۔ تم اپنے کام میں لگے رہو۔

٭ زندگی کو ہمیشہ امانت سمجھو کیونکہ یہ عنقریب چلی جائے گی۔

٭ برا وہ شخص ہوتا ہے جو بے ادب ہو، کیونکہ ادب میں نیکیاں ہی نیکیاں ہیں۔

٭ برا شخص نیک لوگوں سے کینہ و حسد رکھتا ہے، اس سے بچو۔

٭ اگر کسی دین سے تمہیں رہنمائی حاصل ہو سکتی ہے تو وہ صرف اسلام ہے۔

٭ صرف خدا کی عبادت کرو اور اسی سے اپنی حاجات بیان کرو۔

٭ خدمتِ خلق صرف خوشنودی خدا کے لیے کرو۔ خلقت کے قبول کرنے سے تمہیں کچھ نہیں ملے گا۔

٭ شمع بننے کے دعوے سے پروانہ بن جانا زیادہ باعث افتخار ہے۔